Ауырсыну нейрохирургия бөлімшесі

Бөлім меңгерушісі: Кенжебаев Саят Капанович

Ауырсыну нейрохирургиясы бөлімшесі рентгенологиялық жабдықтар мен УДЗ-навигацияны қолдана отырып, визуалды бақылаумен орындалатын аз инвазивті процедуралар арқылы жедел және созылмалы ауырсыну синдромдарын диагностикалау және емдеумен айналысады.

Бөлімшенің негізгі мақсаты — ауырсыну синдромын басу немесе азайту, қозғалыс белсенділігі мен күнделікті өмір сапасын жақсарту, ағза функцияларын қалпына келтіру, ұйқы мен психологиялық жағдайды қалыпқа келтіру, ауырсынуды басатын дәрілерді ұзақ уақыт қабылдау қажеттілігін төмендету, сондай-ақ ауырсынудың созылмалы түрге ауысуының алдын алу.

Бөлімшеде келесі аурулары бар пациенттер ем қабылдайды:

1. бас аурулары, оның ішінде мигрень және кернеулік бас ауруы;
2. мойын, арқа және бел аймағындағы жедел және созылмалы ауырсыну;
3. радикулопатия;
4. омыртқаның дегенеративті ауруларындағы ауырсыну синдромы;
5. үшкіл нерв невралгиясы;
6. фасет синдромы;
7. сегізкөз-мықын буыны синдромы;
8. онкологиялық ауырсыну;
9. нейропатиялық ауырсыну;
10. жарақаттан кейінгі және операциядан кейінгі ауырсыну;
11. консервативті ем нәтижесіз болғаннан кейінгі ауырсыну синдромдары.

Емдеудің негізгі әдістері:

* емдік-диагностикалық блокадалар;

* радиожиіліктік абляция;

* эпидуралды инъекциялар;

* жүйке түбіршектерінің селективті блокадалары;

* фасеттік блокадалар;

* симпатикалық блокадалар;

* триггерлік инъекциялар;

* нейролизис.

Рентген және УДЗ-навигация арқылы жүргізілетін емдік-диагностикалық блокадалар мен радиожиіліктік абляция ауырсыну көзіне немесе ауырсыну импульсын өткізетін құрылымдарға тікелей әсер етуге мүмкіндік береді.

Бұл емдеуді тек дәрілік терапиямен салыстырғанда анағұрлым дәл етеді және ауырсынуды басатын дәрілерді ұзақ уақыт бақылаусыз қабылдаудың алдын алуға көмектеседі.

Бөлімшенің артықшылықтары:

* араласулардың жоғары дәлдігі;

* минималды жарақаттылық;

* стационарда қысқа мерзім болу — 4 күнге дейін және тез қалпына келу;

* амбулаториялық ем алу мүмкіндігі;

* дәрілік жүктемені азайту;

* емдеу әдісін жеке таңдау;

* емнің функционалдық нәтижелерін жақсарту